ဇာတ်လမ်းက Avengers: Endgame ထဲမှာ Tesseractကို ခိုးပြီး ထွက်ပြေးသွားခဲ့တဲ့ ၂၀၁၂ ကာလက Loki ဟာ Time Line တွေကို ထိန်းချုပ်တဲ့ TVA (Time Variance Authority) လို့ခေါ်တဲ့ လျှို့ဝှက်ဗျူရိုကရေစီ အဖွဲ့အစည်းကြီးရဲ့ ဖမ်းဆီးခြင်းကို ခံလိုက်ရပါတယ်။ TVA က ကမ္ဘာဦးကတည်းက သတ်မှတ်ထားတဲ့ Sacred Timeline ကို သွေဖည်တဲ့ "Variant" တွေကို ဖျက်ဆီးပစ်တဲ့ အဖွဲ့ပါ။

Loki ဟာ TVA အေးဂျင့် Mobius နဲ့ ပူးပေါင်းပြီး Time Line တွေကို လိုက်လံဖျက်ဆီးနေတဲ့ တခြား Loki Variant တစ်ဦးဖြစ်သူ Sylvie ကို လိုက်လံဖမ်းဆီးရာကနေ... Time Line တွေရဲ့ နောက်ကွယ်က အမှောင်ဆုံး လျှို့ဝှက်ချက်ကြီးတွေ၊ Multiverse စစ်ပွဲကြီးတွေနဲ့ နောက်ကွယ်က ကြိုးကိုင်သူ He Who Remains (Kang) တို့ကို ထိပ်တိုက်ရင်ဆိုင်ရင်း စကြဝဠာကြီး ပြိုကွဲပျက်စီးမယ့် အန္တရာယ်ကနေ ဘယ်လိုကယ်တင်မလဲဆိုတာ ရှုစားရမှာ ဖြစ်ပါတယ်။

ဒီစီးရီးဟာ Loki ရဲ့ စရိုက်ကို လုံးဝ ပြောင်းလဲပေးခဲ့ပါတယ်။ တစ်ကိုယ်ကောင်းဆန်တဲ့ Villain ဘဝကနေ၊ အများအတွက် ကိုယ်ကျိုးစွန့်တတ်တဲ့ ဟီးရိုးစစ်စစ် (Glorious Purpose) ဘဝကို ပြောင်းလဲသွားပုံကို အဆင့်ဆင့် ရိုက်ပြသွားတာ အလွန်ပြောင်မြောက်ပါတယ်။ အထူးသဖြင့် Season 2 ရဲ့ Finale အဆုံးသတ်ကတော့ MCU သမိုင်းမှာ အကောင်းဆုံးနဲ့ စိတ်မကောင်းအဖြစ်ရဆုံး ဇာတ်သိမ်းတစ်ခု ဖြစ်ပါတယ်။

Loki Series ဟာ Marvel ကားတွေထဲမှာတင်မကဘဲ Sci-Fi ဒရမ်မာတစ်ခုအဖြစ်ပါ သီးသန့်ရပ်တည်နိုင်တဲ့ လက်ရာမွန်တစ်ခု ဖြစ်ပါတယ်။ အထူးသဖြင့် Season 2 အပြီးမှာ ဇာတ်လမ်းကို လုံးဝ ကျစ်ကျစ်လျစ်လျစ်နဲ့ လှလှပပ လုပ်သွားနိုင်ခဲ့ပါတယ်။ သင်ဟာ Marvel ပရိသတ်မဟုတ်ရင်တောင်မှ အချိန်ခရီးသွားတာ၊ ကံကြမ္မာ  နဲ့ နတ်ဘုရားဆန်ဆန် စတေးမှုတွေကို ကြိုက်နှစ်သက်ရင် မဖြစ်မနေ ကြည့်သင့်ပါတယ်။

My Rating: 9.5/10

AP