ဒီဂျစ်တယ်ခေတ်ကြီးထဲမှာ ငါတို့မြင်တွေ့နေရတဲ့ ဗီဒီယိုတွေ၊ သတင်းတွေဟာ တကယ်ရော အမှန်တရား ဟုတ်ရဲ့လား။ ဒါမှမဟုတ် ကြိုးကိုင်သူတွေ ဖန်တီးထားတဲ့ လှည့်ကွက်တစ်ခုလား။ BBC ၏ အောင်မြင်လှသည့် British Techno-Thriller စီးရီးတစ်ခုဖြစ်သည့် The Capture သည် ဖန်တီးသူ Ben Chanan ၏ ပြောင်မြောက်လှသော မူရင်းဇာတ်ညွှန်းဖြင့် ခေတ်ပြိုင်နည်းပညာလောကကို စိန်ခေါ်ထားသည့် လက်ရာတစ်ခုဖြစ်ပါတယ်။ Season 1 ကို ၂၀၁၉ ခုနှစ်တွင် စတင်ထုတ်လွှင့်ခဲ့ပြီး Season 2 ကို ၂၀၂၂ ခုနှစ်နှင့် Season 3 ကို ၂၀၂၆ ခုနှစ်တွင် ဆက်လက်ပြသခဲ့ကာ Crime, Drama, Mystery နှင့် Techno-Thriller အမျိုးအစားများထဲတွင် ထိပ်တန်းစာရင်းဝင်ခဲ့ပါတယ်။ မင်းသမီး Holliday Grainger (DI Rachel Carey အဖြစ်) က ခေါင်းဆောင်ပါဝင်ထားပြီး Callum Turner, Paapa Essiedu, Lia Williams, Ron Perlman နှင့် Ginny Holder တို့ကဲ့သို့ သရုပ်ဆောင်များဖြင့် ရိုက်ကူးထားသည့် စီးရီးကောင်းတစ်ခု ဖြစ်ပါတယ်။

ဇာတ်လမ်းသည် လန်ဒန်မြို့၏ စောင့်ကြည့်ကင်မရာ (CCTV) ကွန်ရက်များနှင့် ဗီဒီယိုအတုပြုလုပ်သည့် Deepfake နည်းပညာကို အဓိကထား၍ ရိုက်ကူးထားခြင်းဖြစ်သည်။ Season 1 တွင် စစ်ပွဲမှ ပြန်လာသည့် စစ်သား Shaun Emery သည် ကင်မရာထဲတွင် ပြစ်မှုကျူးလွန်နေသလို ဗီဒီယို အထောက်အထားမိသော်လည်း မိမိကိုယ်ကိုယ် အပြစ်မရှိကြောင်း ငြင်းဆိုရာမှ စတင်သည်။ စုံထောက် Rachel Carey က ဤအမှုကို စုံစမ်းရင်း အစိုးရနှင့် ထောက်လှမ်းရေးအဖွဲ့အစည်းများ၏ "Correction" ဟုခေါ်သည့် ဗီဒီယိုများကို အချိန်နဲ့တစ်ပြေးညီ ပြုပြင်ဖန်တီးနိုင်သော လျှို့ဝှက်နည်းပညာနှင့် စနစ်အောက်သို့ ရောက်ရှိသွားသည်။ Season 2 နှင့် Season 3 တို့တွင်လည်း နိုင်ငံရေး၊ မီဒီယာ၊ AI နည်းပညာနှင့် တိုက်ရိုက်ရုပ်သံထုတ်လွှင့်မှုများကို ကြိုးကိုင်ခြယ်လှယ်သည့် ပိုမိုကြီးမားသည့် နိုင်ငံတကာအဆင့် အကြမ်းဖက်မှု၊ ပထဝီနိုင်ငံရေးလှည့်ကွက်များနှင့် အစိုးရအတွင်းပိုင်း လှို့ဝှက်ချက်များဆီသို့ အကြိတ်အနယ် တိုးမြှင့်ရိုက်ကူးထားသည်။

နဂိုကတည်းက စိစစ်ရခက်သည့် နည်းပညာခေတ်ကြီးထဲတွင် အမှန်တရားကို လိုက်လံရှာဖွေရသည့် The Capture သည် လက်ရှိကာလအတွက် အရမ်းကို ထိမိသည့် Techno-Thriller စီးရီးတစ်ခုဖြစ်သည်။

My Rating: 7.8/10

AP