ဆန်းကြယ်ဆန်းပြားလွန်းသည့် ပဟေဠိဆန်ဆန် ဇာတ်အိမ်များထဲသို့ ပရိသတ်ကို ဆွဲခေါ်သွားမည့် The Wicker Man ရုပ်ရှင်ဇာတ်ကားကို ၂၀၀၆ ခုနှစ်တွင် ရုံတင်ပြသခဲ့ပြီး Folk Horror, Mystery နှင့် Thriller အမျိုးအစားများထဲမှာ ပါဝင်ပါသည်။ ဒါရိုက်တာ Neil LaBute က ရိုက်ကူးပုံဖော်ထားပြီး အဓိကမင်းသားအဖြစ် Nicolas Cage က ရဲအရာရှိ Edward Malus အဖြစ် ခေါင်းဆောင်ပါဝင်ထားကာ Ellen Burstyn, Kate Beahan နှင့် Frances Conroy တို့လို ဝါရင့်သရုပ်ဆောင်များက အားဖြည့်ပါဝင်ထားကြပါသည်။ ဇာတ်ကားရဲ့ နောက်ခံသမိုင်းကို လေ့လာကြည့်ပါက ၁၉၆၇ ခုနှစ်က ထွက်ရှိခဲ့သည့် စာရေးဆရာ David Pinner ၏ Ritual အမည်ရှိ နာမည်ကျော် စာအုပ်ကို အခြေခံ၍ ၁၉၇၃ ခုနှစ်တွင် ဗြိတိန်၌ ရိုက်ကူးခဲ့သည့် သမိုင်းဝင် Cult Classic ရုပ်ရှင် The Wicker Man ကို အမေရိကန်စတိုင်လ်ဖြင့် ပြန်လည် ဆန်းသစ်ရိုက်ကူးထားခြင်း ဖြစ်ပါသည်။

ဇာတ်လမ်းသည် အဝေးပြေးလမ်းမပေါ်က မတော်တဆဖြစ်ရပ်တစ်ခုကြောင့် စိတ်ဒဏ်ရာရရှိထားသည့် ရဲအရာရှိ Edward Malus ထံသို့ ရည်းစားဟောင်း ဖြစ်သူ၏ စာတစ်စောင် ရောက်ရှိလာခြင်းမှ စတင်ထားပါသည်။ သူမ၏ သမီးငယ်လေး Rowan သည် သီးခြားခွဲထွက်နေသည့် Summersisle ခေါ် ကျွန်းငယ်လေးတစ်ခုပေါ်တွင် ပျောက်ဆုံးနေသဖြင့် လာရောက်ကူညီစုံစမ်းပေးရန် အကူအညီတောင်းခံခဲ့ခြင်း ဖြစ်ပါသည်။ Edward တစ်ယောက် ထိုကျွန်းသို့ ရောက်ရှိသွားသောအခါ ကျွန်းသူကျွန်းသားများသည် သာမန်မဟုတ်ဘဲ စိုက်ပျိုးရေးနှင့် ပျားမွေးမြူရေးကို အဓိကထားသည့်၊ အမျိုးသမီးများသာ စိုးမိုးအုပ်ချုပ်သည့် ရှေးဟောင်းဘာသာရေး ဂိုဏ်းခွဲတစ်ခုလို ကျင့်သုံးနေသည်ကို တွေ့ရှိလိုက်ရပါသည်။

ကျွန်းပေါ်ကလူများ၏ မသင်္ကာဖွယ်ရာ ငြင်းဆန်မှုများ၊ လျှို့ဝှက်ဆန်းကြယ်မှုများကြားမှ ရဲအရာရှိ Edward သည် Rowan ကို ရှာဖွေရန် ကြိုးစားရင်း တစ်စတစ်စနှင့် ကျွန်းသူကျွန်းသားများ၏ ရက်စက်ဆန်းကြယ်သည့် ပူဇော်ပွဲဆိုင်ရာ လျှို့ဝှက်ချက်ကြီးထဲသို့ ပိတ်မိသွားခဲ့ပါသည်။ 

အကျဉ်းချုပ်ရလျှင် The Wicker Man (2006) သည် လေးနက်သည့် Folk Horror ဂန္ထဝင်ကားတစ်ကားအဖြစ် သတ်မှတ်ရန် ခက်ခဲသော်လည်း စုန်းကဝေပုံစံမျိုးကိုမှ အတွေးဆန်းဆန်း ကြည့်ချင်သူတွေအတွက်တော့ အဆင်ပြေတဲ့ ရုပ်ရှင်တစ်ခုပါ။

My Rating: 6.0/10

AP