၂၀၀၉ ခုနှစ်မှ ၂၀၁၇ ခုနှစ်အထိ 8 seasons တိုင်တိုင် ထုတ်လွှင့်ခဲ့တဲ့ The Vampire Diaries ဟာ CW ရုပ်သံလိုင်းရဲ့ အအောင်မြင်ဆုံး Supernatural Drama စီးရီးတစ်ခု ဖြစ်ပါတယ်။ ဒီစီးရီးကို စာရေးဆရာမ L. J. Smith ရဲ့ ၁၉၉၁ ခုနှစ်ထွက် နာမည်ကျော် ရောင်းအားအကောင်းဆုံး Vampire Diaries စာအုပ်တွဲတွေကို အခြေခံပြီး တီဗီဖန်သားပြင်ပေါ်သို့ သိုင်းသိုင်းဝန်းဝန်းနဲ့ သက်ဝင်လှပအောင် ပုံဖော်ရိုက်ကူးထားတာဖြစ်ပါတယ်။ 

ဇာတ်လမ်းအကျဉ်းမှာတော့ မိဘနှစ်ပါးစလုံးကို ကားမတော်တဆမှုနဲ့ ဆုံးရှုံးလိုက်ရတဲ့ Elena ဆိုတဲ့ ကောင်မလေးဟာ Mystic Falls မြို့လေးမှာ သာမန်ဘဝကို ပြန်လည်စတင်ဖို့ ကြိုးစားရာမှ စတင်ခဲ့ပါတယ်။ ဒီအချိန်မှာပဲ မြို့လေးဆီ အသစ်ရောက်ရှိလာတဲ့ လျှို့ဝှက်ဆန်းကြယ်ပြီး ဆွဲဆောင်မှုရှိတဲ့ ကျောင်းသားသစ် Stefan Salvatore နဲ့ ဆုံတွေ့ပြီး ချစ်ကျွမ်းဝင်ခဲ့ကြပါတယ်။ သို့သော်လည်း Stefan ဟာ နှစ်ပေါင်းရာနဲ့ချီ သက်တမ်းရှိနေပြီဖြစ်တဲ့ Vampire တစ်ယောက်ဖြစ်နေခဲ့သလို၊ သူ့ရဲ့ ရက်စက်ပြီး မာယာများတဲ့ အစ်ကိုဖြစ်သူ Damon ပါ မြို့ဆီ ပြန်လည်ရောက်ရှိလာတဲ့အခါမှာတော့ သုံးပွင့်ဆိုင် အချစ်ဇာတ်လမ်းနဲ့အတူ မြို့လေးရဲ့ မြှုပ်နှံထားတဲ့ သမိုင်းဆန်း လျှို့ဝှက်ချက်များ ပေါ်ထွက်လာရပါတော့တယ်။

ဒီစီးရီးရဲ့ စိတ်ဝင်စားဖွယ်အကောင်းဆုံး အချက်ကတော့ သာမန် Vampire ဇာတ်လမ်းတွေထက် ပိုမိုကျယ်ပြန့်တဲ့ Supernatural Universe ကို တည်ဆောက်ထားတာပဲ ဖြစ်ပါတယ်။ Vampire တွေအပြင် Witches၊ Werewolves ၊ Hybrids နဲ့ ရှေးဟောင်း Original Vampires ဆိုတဲ့ ဒဏ္ဍာရီလာ သတ္တဝါမျိုးစုံရဲ့ အားပြိုင်မှု၊ အချစ်၊ အမုန်းနဲ့ သစ္စာဖောက်မှုတွေကို အကွက်စေ့စေ့ ပုံဖော်သွားတာ ကြည့်ရှုသူကို မမှိတ်မသုန် ဆွဲဆောင်ထားနိုင်ပါတယ်။

The Vampire Diaries ဟာ Pop Culture မှာ မဖြစ်မနေ ကြည့်ရှုရမယ့် ဇာတ်လမ်းတွဲ တစ်ခုဖြစ်ပါတယ်။ Romance၊ Dark Fantasy နဲ့ Drama တွေကို သဟဇာတဖြစ်ဖြစ် ပေါင်းစပ်ထားတာကြောင့် Vampire/Supernatural ဇာတ်လမ်း ကြိုက်နှစ်သက်သူများ၊ စိတ်လှုပ်ရှားဖွယ် Plot Twists တွေကို နှစ်သက်သူများအတွက် အထူးပင် သဘောကျနှစ်သက်ကြမယ့် စီးရီးတစ်ခု ဖြစ်ပါတယ်။

My Rating: 8.2/10

AP